ஒரு சிறு வணிக உரிமையாளர் என்ற உங்கள் கனவை நிறைவேற்றுவதற்கு முன், உங்களுக்குச் சில உதவிகள் தேவைப்படும். சிறு வணிக வழிகாட்டலுக்கு, தனிப்பட்ட மற்றும் தொழில்முறை நிபுணத்துவத்தை நீங்கள் தேர்ந்தெடுக்கலாம்.
நீங்கள் முதன்முதலில் ஒரு தொழிலைத் தொடங்கும்போது, உங்களுக்குள் பல கேள்விகள் இருக்கும். ஒரு தொழிலைத் தொடங்கும் போது வழிகாட்டுதலுக்காக யாரை நோக்கித் திரும்புவது என்பது உங்களுக்குத் தெரியாது. வணிகம் தொடர்பான கேள்விகளைக் கையாள உங்களுக்குச் சிறு வணிக ஆலோசகர்கள் தேவை என்பதை நீங்கள் புரிந்துகொள்வது நீங்கள் சரியான திசையில் செல்வதற்கான முதல் படியாகும்.
உங்களுக்கான வணிக வழிகாட்டுதலை எங்கே கண்டுபிடிப்பது?
உங்கள் வியாபாரத்திற்கு சிறந்த வழிகாட்டியைத் தேடுகிறீர்களா? கணக்காளர், வழக்கறிஞர், தேர்வாளர் எனப் பல்வேறு வகையில் சில ஆலோசகர்களின் உதவியை நீங்கள் பட்டியலிடலாம். ஒரு தொழிலைத் தொடங்குவதற்கு முன் உங்கள் குடும்பத்தினருடனும் பிற வணிக உரிமையாளர்களுடனும் பேசுவதும் நல்லது.
சிறு வணிக வழிகாட்டுதலில் நிபுணர்களைப் பயன்படுத்திக் கொள்வது உங்கள் நேரத்தை மிச்சப்படுத்துவதோடு, உங்கள் மனதை நிம்மதியடையச் செய்யலாம். இதற்காக ஆலோசனை கேட்கப் பயப்பட வேண்டாம். ஒரு தொழிலைத் தொடங்க உங்களுக்கு உதவக்கூடிய நபர்களின் வகைகளை பற்றி இங்குக் காணலாம்.
- குடும்பம் மற்றும் நண்பர்கள்:
ஒரு தொழிலைத் தொடங்கும் போது உங்கள் குடும்பத்தினர்கள் உங்களுக்குச் சிறந்த ஆதரவையும் வழிகாட்டலையும் வழங்க முடியும். வணிகத்தில் ஒரு வழிகாட்டியை எவ்வாறு கண்டுபிடிப்பது என்று நீங்கள் யோசிக்கிறீர்கள் என்றால், அதற்கு உங்கள் குடும்ப உறுப்பினர்களிடம் இருந்தே நீங்கள் தொடங்கலாம். உங்கள் குடும்பத்தில் உள்ள ஒவ்வொரு உறுப்பினர்களும் உங்களுக்கு ஒவ்வொரு விதமான ஆலோசனைகளை அளிக்க முடியும். குடும்பத்தில் உள்ள ஒவ்வொருவருக்கும் ஒவ்வொரு வகையான அனுபவங்கள் இருக்கும். அந்த அனுபவங்களை உங்களுடன் பகிர்ந்து கொள்வது உங்களுக்குத் தொழில் தொடங்க தேவையான விஷயங்களில் பயன்படலாம். அதுபோல உங்களுக்குப் பல நண்பர்கள் இருப்பார்கள். ஒவ்வொருவருக்கும் ஒவ்வொரு விதமான திறமைகள் மற்றும் அனுபவங்கள் இருக்கும். அவர்களிடமும் நீங்கள் உங்கள் தொழில் சம்மந்தப்பட்ட விஷயங்களை பகிர்ந்து கொள்ளலாம். உங்கள் நண்பர்கள் கூடத் தொழில் தொடங்க உங்களுக்குச் சிறந்த ஆலோசனைகளை வழங்குவார்கள்.
- கணக்காளர்கள்:
சிறு வணிக வழிகாட்டலுக்கு நீங்கள் கவனத்தில் கொள்ள வேண்டிய முக்கியமான நபர்களில் கணக்காளர்களும் ஒருவர். அவர்கள் உங்கள் வணிகத்திற்கு நிதியளிப்பதற்கான வழிகளை பரிந்துரைக்கலாம் மற்றும் நிதி திட்டங்களைத் தயாரிக்கலாம். வணிக வரவு செலவுத் திட்டத்தை உருவாக்க உங்களுக்கு உதவி தேவைப்பட்டால், நீங்கள் ஒரு நல்ல கணக்காளரை தேடி செல்லலாம். உங்கள் வணிகம் வருவாயைக் கொண்டுவரத் தொடங்கும்போது, கணக்காளர்கள் உங்கள் வணிகத்தின் நிதி ஆரோக்கியத்தை தீர்மானிக்க உதவுவார். அவர்கள் உங்கள் வணிகத்தின் செயல்திறனை அளவிட முடியும் மற்றும் உங்கள் நிறுவனம் சரியாகச் செயல்படவில்லை என்றால் அதற்கு உதவுவதற்கான வழிகளை கண்டறிய முடியும். உங்கள் தொழில் நிறுவனத்தில் ஊழியர்கள் இருந்தால், கணக்காளர்கள் ஊதியத்தை அமைப்பதற்கும், உங்கள் தொழில் முறை வரிகளைக் கையாளுவதற்கும் உங்களுக்கு உதவலாம்.
- வழக்கறிஞர்கள்:
ஒரு தொழிலின் தொடக்கத்திற்கு, வழக்கறிஞர்கள் உங்களுக்குச் சிறந்த வணிக ஆலோசகர்களாக இருப்பார்கள். உங்கள் வணிக கட்டமைப்பை நிறுவவும், உறுதியான வணிகத் திட்டத்தை ஒன்றிணைக்கவும், உங்கள் வணிகத்தைப் பதிவு செய்யவும் ஒரு வழக்கறிஞர் உங்களுக்குத் தகுந்த முறையில் உதவுவார். ஒரு வணிகத்தைத் தொடங்கவும், தொடக்க நிதியுதவிக்கு உதவவும், உங்கள் வணிகத்தை நடத்துவதற்கு உங்களுக்குச் சரியான உரிமம் இருப்பதை உறுதி செய்யவும், உங்கள் வணிகத்தின் அறிவுசார் சொத்து பாதுகாக்கப்படுவதை உறுதி செய்யவும் வழக்கறிஞர்கள் உங்களுக்கு உதவலாம். நீங்கள் விற்பனையைத் தொடங்கும்போது, ஒரு வாடிக்கையாளர் உங்களுக்குப் பணம் கொடுக்க மறுத்துத் தகராறு செய்தால் ஒரு வழக்கறிஞர் அந்த இடத்தில் உங்களுக்கு உதவ முடியும். இதனால் சிறு வணிகங்களில் நிபுணத்துவம் வாய்ந்த ஒரு வழக்கறிஞரை நீங்கள் பணியமர்த்துவதை உறுதி செய்து கொள்வது நல்லது.
- ஆட்சேர்ப்பு செய்பவர்கள்:
நீங்கள் உங்கள் நிறுவனத்தில் பணியாளர்களை வேலைக்கு அமர்த்த வேண்டும் என்ற முடிவுக்கு வந்தால், நல்ல ஆட்களை நீங்கள் உங்கள் நிறுவனத்துக்குத் தேர்ந்தெடுக்க வேண்டி இருக்கும். இதற்காக ஆட்சேர்ப்பு செய்பவர்களிடம் நீங்கள் ஆலோசனைகளை பெறலாம். உங்கள் தொடக்கத்தில் உங்களுக்குத் தேவையான பணியாளர் வகை உங்களுக்குத் தெரியாது. அவர்களுக்கு எவ்வளவு கல்வியும் அனுபவமும் இருக்க வேண்டும்? வேலைக்கு என்ன திறன்கள் அவசியம்? உங்கள் வணிகத் தேவைகளைப் பற்றி உங்கள் துறையில் அனுபவம் வாய்ந்த ஒரு தேர்வாளருடன் நீங்கள் பேசிக் கலந்து ஆலோசிக்கலாம். உங்களுக்குத் தேவையான சரியான வேட்பாளர்களை ஈர்க்க ஒரு விரிவான வேலை விளக்கத்தை ஒன்றிணைக்க ஒரு தேர்வாளர் உங்களுக்கு உதவ முடியும். நீங்கள் வேட்பாளர்களை நேர்காணல் செய்யும்போது, ஆட்சேர்ப்பு செய்பவர் இருப்பதை உறுதிப்படுத்திக் கொள்ளுங்கள். அந்த வகையில், உங்கள் வணிகத்திற்கு யார் சிறந்தவர் என்று அவர்களின் தொழில்முறை ஆலோசனையை அவர்களிடம் கேட்கலாம்.
- பிற வணிக உரிமையாளர்கள்:
வணிகத்தில், உங்கள் துறையில் இருக்கும் அனுபவமுள்ள வணிக உரிமையாளர்களிடமிருந்து நிறைய விஷயங்களை கற்றுக்கொள்ளுங்கள். நீங்கள் என்ன செய்கிறீர்கள், என்ன செய்ய வேண்டும் என்பதை அவர்கள் அறிவார்கள். வணிக உரிமையாளர்கள் மற்ற தொழில்முறை வழிகாட்டிகளைவிட வேறுபட்ட கண்ணோட்டத்தைக் கொண்டுள்ளனர். இவர்கள் தங்களின் தொழில் சம்மந்தப்பட்ட அனுபவங்களை உங்களுடன் பகிர்ந்து கொள்வதன் மூலம் உங்களுக்குச் சிறந்த வழிகாட்டியாகச் செயல்படுவார்கள்.
மேலும் வாசிக்க : இந்தியாவில் தொழில் தொடங்குவது எப்படி?
